తమిళనాడులోని ఈరోడ్‌, శివగిరి గ్రామంలో ఉన్న పఠపూశయన్‌ దేవాలయంలో శివరాత్రి ఉత్సవాలు వైభవంగా జరిగాయి.

తమిళనాడులోని ఈరోడ్‌, శివగిరి గ్రామంలో ఉన్న పఠపూశయన్‌ దేవాలయంలో శివరాత్రి ఉత్సవాలు వైభవంగా జరిగాయి. దేవాలయం అధికారులు తెలిపిన వివరాల ప్రకారం, శివునికి ఓ నిమ్మకాయను, ఇతర పండ్లు, వస్తువులను సమర్పించడం ఇక్కడి ఆచారం.

ఈ నిమ్మకాయను వేలంలో అమ్మకానికి పెట్టారు. ఈ వేలంలో 15 మంది భక్తులు పాల్గొన్నారు. ఈరోడ్‌కు చెందిన ఓ భక్తుడు దీనిని అత్యధికంగా రూ.35,000కు సొంతం చేసుకున్నారు. ఈ నిమ్మకాయను అర్చకుడు తీసుకెళ్లి, శివుని ముందు పెట్టి పూజ చేసి, మళ్లీ ఆ భక్తునికి అందజేశారు. ఈ నిమ్మకాయను సొంతం చేసుకున్నవారికి అనేక సంవత్సరాలపాటు ఆరోగ్యం, సంపద సిద్ధిస్తాయని భక్తులు విశ్వసిస్తున్నారు.