ఏఆర్ మురుగ‌దాస్ (AR Murugadoss) కాంపౌండ్ నుంచి సినిమా వ‌స్తుందంటే అంచ‌నాలు భారీగానే ఉంటాయి.

 ఇండియ‌న్ ఫిలిం ఇండ‌స్ట్రీలో ఉన్న మోస్ట్ టాలెంటెడ్ డైరెక్ట‌ర్ల‌లో టాప్‌లో ఉంటాడు ఏఆర్ మురుగ‌దాస్ (AR Murugadoss). ఈ స్టార్ డైరెక్ట‌ర్ కాంపౌండ్ నుంచి సినిమా వ‌స్తుందంటే అంచ‌నాలు భారీగానే ఉంటాయి. ఈ స్టార్ డైరెక్ట‌ర్ బాలీవుడ్ స్టార్ హీరో స‌ల్మాన్ ఖాన్‌తో సినిమా చేస్తున్నాడ‌ని తెలిసిందే. ఈ సినిమా పూర్తి చేసే కంటే ముందు మురుగ‌దాస్ శివ‌కార్తికేయ‌న్‌తో చేస్తున్న ప్రాజెక్ట్ పూర్తి చేయాల్సి ఉంది. ఇంకా టైటిల్ ఫిక్స్ కానీ స‌ల్లూభాయ్‌-మురుగ‌దాస్ కాంబో సినిమాపై ఆస‌క్తిక‌ర‌వార్త నెట్టింట హ‌ల్ చ‌ల్ చేస్తోంది.ఈ చిత్రంలో బాలీవుడ్ స్టార్ యాక్ట‌ర్ విద్యుత్ జ‌మ్వాల్ విల‌న్‌గా క‌నిపించ‌బోతున్నాడ‌ట‌. ఏఆర్ మురుగ‌దాస్‌, విద్యుత్ జ‌మ్వాల్ కాంబోలో వ‌చ్చిన Thuppakki (2012) సూప‌ర్ హిట్‌గా నిలిచింది. ఒక‌వేళ ఈ వార్త‌ నిజ‌మైతే మురుగ‌దాస్‌-విద్యుత్‌జ‌మ్వాల్ కాంబోలో 12 ఏండ్ల గ్యాప్ త‌ర్వాత రాబోతున్న రెండో సినిమా కానుంది. మ‌రి మురుగ‌దాస్‌-విద్యుత్ జ‌మ్వాల్ క‌ల‌యిక‌లో రాబోతున్న సినిమా గురించి మేక‌ర్స్ నుంచి అధికారిక ప్ర‌క‌ట‌న రావాల్సి ఉంది.

శాండ‌ల్‌వుడ్ రుక్మిణి వ‌సంత్ ఈ చిత్రంలో ఫే మేల్ లీడ్ రోల్‌లో న‌టిస్తోంది. శ్రీల‌క్ష్మి మూవీస్ పై ఎన్వీ ప్ర‌సాద్ నిర్మిస్తున్నారు. ఈ చిత్రానికి కోలీవుడ్ స్టార్ కంపోజ‌ర్ అనిరుధ్ ర‌విచంద‌ర్ సంగీతం అందిస్తుండ‌టంతో అంచ‌నాలు భారీగానే ఉన్నాయి. గ‌తేడాది టైగ‌ర్ 3 సినిమాతో ప్రేక్ష‌కుల ముందుకొచ్చాడు స‌ల్లూభాయ్‌.