హైదరాబాద్‌లో మరోసారి భారీగా డ్రగ్స్‌ పట్టుబడ్డాయి

హైదరాబాద్‌లో మరోసారి భారీగా డ్రగ్స్‌ పట్టుబడ్డాయి. ఇంటర్‌పోల్‌ సమాచారం మేరకు డ్రగ్‌ కంట్రోల్‌ అధికారులు (TSDCA) నగర శివార్లలోని ఐడీఏ బొల్లారంలో ఉన్న పీఎస్‌ఎన్‌ మెడికేర్‌ కంపెనీలో తనిఖీలు చేపట్టారు. ఈ సందర్భంగా 90 కిలోల మెపిడ్రిన్‌ను సీజ్‌ చేశారు. దీనివిలువ దాదాపు రూ.9 కోట్ల వరకు ఉంటుందని చెప్పారు.

బొల్లారం పరిధిలో గత పదేండ్లుగా డ్రగ్స్‌ దందా చేస్తున్న కస్తూరి రెడ్డి.. సిగరెట్‌ ప్యాకెట్ల మాటున విదేశాలకు డ్రగ్స్‌ తరలిస్తున్నట్లు గుర్తించారు. హైదరాబాద్‌లోనూ డ్రగ్స్‌ సరఫరా చేసినట్లు అనుమానిస్తున్నారు. ఈమేరకు కేసు నమోదుచేసిన పోలీసులు దర్యాప్తు చేస్తున్నారు.